عدم اعتماد والی رات آخر ہوا کیا؟ فواد چودھری نے خاموشی توڑ دی

نجی ٹی وی سے گفتگو کرتے ہوئے سابق وفاقی وزیر اور تحریک انصاف کے اہم رہنماء فواد چودھری کا کہنا تھا کہ بی بی سی نے جھوٹ پر مبنی خبر دی، ہمارا پوائنٹ آف ویو یہ تھا کہ اسپیکر سپریم کورٹ کی رولنگ کو ریجیکٹ کر دے تاہم آخر میں فیصلہ تبدیل ہوا۔ اس سے قبل رائے تھی کہ اسپیکر رولنگ کو آرٹیکل 65 اور 69 کے تحت مسترد کرے اور دوبارہ سپریم کورٹ چلے گا۔ انکا کہنا تھا کہ گزشتہ رات ہمیں بے پناہ عوامی حمایت حاصل ہوئی، صدر پاکستان استعفیٰ نہیں دیں گے، ہم نے عوامی تحریک شروع کرنی ہے، اگر ہم اپنی خودمختاری کی حفاظت نہیں کرسکتے تو یہ حلف کی خلاف ورزی ہوگی، کسی ملک کو یہ حق نہیں دیا جاسکتا کہ وہ پاکستان کے مستقبل کا فیصلہ کرے۔

بی بی سی اردو ان چند آرگنائزیشنز میں ہے جنہوں نے پاکستان میں فیک نیوز کے سیاسی استعمال کو نیارخ دیا، پاکستان نے BBC کو اس ضمن میں ڈوزئیر بھی دیا، یہ خبر بھی اسی پروپیگنڈے کے تسلسل کا نمونہ ہے، عمران خان نے ہمیشہ فوجی قیادت کی تنظیم کا ادراک اور احترام کیا https://t.co/2OBkTvk4Ct

— Ch Fawad Hussain (@fawadchaudhry) April 10, 2022

عمران خان کے حق میں پورا پاکستان باہر نکل آیا ہے۔
عوام کہہ رہے ہیں ہم غیرت پر لڑنے مرنے کو تیار ہیں۔
سازش کے زریعے پاکستان کی منتخب حکومت کو گرایا گیا۔
عمران خان کی جان کو شدید خطرات لاحق ہیں۔
عمران خان کی جان لینے کی کوشش کی جائے گئی یا کردارکشی کی جائیگیhttps://t.co/ExUCMo5UHl

— Dr. Shahbaz GiLL (@SHABAZGIL) April 10, 2022

واضح رہے کہ پاکستان کی قومی اسمبلی میں وزیراعظم عمران خان کے خلاف پیش کی گئی تحریک عدم اعتماد 174 ووٹوں کے ساتھ کامیاب ہو چکی ہے، اور شہباز شریف وزیراعظم منتخب ہو گئے ہیں . تحریک انصاف عدم اعتماد کی تحریک کو بیرونی ایجنڈا بتاتی ہے، ابتدائی طورپر ڈپٹی اسپیکر نے آرٹیکل 5 کے تحت تحریک عدم اعتماد کو مسترد کیا تاہم سپریم کورٹ نے اس رولنگ کو غیر آئینی قرار دیتے ہوئے ووٹنگ کرانے کا حکم دیا تھا.