مکہ : چیف آف آرمی سٹاف جنرل قمر جاوید باجوہ نے حج کی سعادت حاصل کرلی ہے۔ آرمی چیف جنرل قمر جاوید باجوہ کی حج کے موقع ایک ویڈیو سامنے آئی ہے جس میں وہ مسجد الحرام میں موجود ہیں۔ آرمی چیف مسجد الحرام میں لوگوں میں گھل مل گئے اور سلفیاں بھی بنوائیں۔ لوگوں نے آرمی چیف جنرل قمر جاوید باجوہ کو اپنے درمیان دیکھ کر خوشی کا اظہار کیا۔ آرمی چیف نے پاکستانی حجاج سے گفتگو کرتے ہوئے کہا کہ پاکستان کی امن وسلامتی کیلئے دعا کریں۔ پاکستانیوں نے آرمی چیف کے لئے دعائیں کیں کہ اللہ آپ کو لمبی زندگی دے۔پاکستانی حجاج نے کہا کہ قوم کے محافظوں کے ساتھ اس محبت کا رشتہ لازوال ہے۔