اسپیکر قومی اسمبلی کا پاکستانی نوجوان فہد شہباز کو عالمی ڈیانا ایوارڈ جیتنے پر مبارکباد

اسپیکر قومی اسمبلی کا پاکستانی نوجوان فہد شہباز کو عالمی ڈیانا ایوارڈ جیتنے پر مبارکباد
اسلام آباد: اسپیکر قومی اسمبلی راجہ پرویز اشرف نے پاکستانی نوجوان فہد شہباز کو عالمی ڈیانا ایوارڈ جیتنے پر مبارکباد دی۔ اسپیکر قومی اسمبلی راجہ پرویز اشرف نے پاکستانی نوجوان فہد شہباز کو عالمی ڈیانا ایوارڈ جیتنے پر مبارکباد دیتے ہوئے کہا ہے کہ 18 سال کی عمر میں یوتھ جنرل اسمبلی کی بنیاد رکھنے والے باصلاحیت نوجوان فہد شہباز کو یہ ایوارڈ ملنا پاکستانی نوجوانوں کی مثبت سوچ اور جدوجہد سے معاشرے میں تبدیلی لانے کی روشن مثال ہے۔ اسپیکر قومی اسمبلی نے کہا کہ اس ملک کے نوجوان انتہائی باصلاحیت اور محنتی ہیں جنہوں نے دنیا بھر میں اپنا لوہا منوایا ہے اور انشاءاللہ آگے بھی ملک کا نام روشن کرتے رہیں گے۔ اسپیکر راجہ پرویز اشرف نے فہد کے لیے نیک تمناؤں کا اظہار کیا اور امید کی کہ وہ نوجوانون کی فلاح وبہبود کے لیے آگے بھی اسی طرح بھرپور کردار ادا کرتے رہیں گے۔
ایڈیٹر

احمد علی کیف نے یونیورسٹی آف لاہور سے ایم فل کی ڈگری حاصل کر رکھی ہے۔ پبلک نیوز کا حصہ بننے سے قبل 24 نیوز اور سٹی 42 کا بطور ویب کانٹینٹ ٹیم لیڈ حصہ رہ چکے ہیں۔