غزہ کی پٹی کو ٹیلی کمیونیکیشن سروس کی بندش کا سامنا

پالٹیل کے مطابق غزہ میں ٹیلی کمیونیکیشن سروسز ایک بار پھر منقطع ہوگئی۔ غیر ملکی خبر رساں ادارے کے مطابق غزہ میں ایک بار پھر بلیک آؤٹ ہو گیا ہے۔ پالٹیل نے ایکس پر جاری بیان میں کہا ہے کہ ہمیں یہ اعلان کرتے ہوئے افسوس ہو رہا ہے کہ جاری جارحیت کی وجہ سے غزہ کی پٹی میں تمام ٹیلی کام خدمات بند ہو گئی ہیں۔ غزہ میں ایک بار پھر بلیک آؤٹ ہوگیا ہے۔

We regret to announce that all telecom services in Gaza Strip have been lost due to the ongoing aggression. Gaza is blacked out again.#KeepGazaConnected #أبقوا_غزة_على_اتصال

— Paltel (@Paltelco) December 14, 2023

ادھر غزہ میں وزارت صحت کے ترجمان اشرف القدرہ کا کہنا ہے کہ گزشتہ روز کے دوران اسرائیلی حملوں میں کم از کم 179 افراد شہید اور 303 زخمی ہوئے ہیں۔انہوں نے کہا ہے کہ 7 اکتوبر سے اب تک شہید ہونے والوں کی تعداد 18,787 ہو گئی ہے جب کہ 50,897 زخمی ہیں۔ ان کا مزید کہنا تھا کہ متاثرین کی ایک بڑی تعداد اب بھی ملبے کے نیچے اور سڑکوں پر ہے۔