اطالوی فوٹوگرافر کرسٹیانو وینڈرامین کو ایک منجمد اطالوی جھیل کی مافوق الفطرت تصویر کے لیے وائلڈ لائف فوٹوگرافر آف دی ایئر پیپلز چوائس ایوارڈ 2021 سے نوازا گیا ہے۔
فوٹوگرافر کرسٹیانو وینڈرامین کی جیت کی اس تصویر کو 31 ہزار 800 سے زائد لوگوں نے پسند کیا۔ جنگلی حیات سے محبت کرنے والوں نے آن لائن ووٹنگ کے ذریعے شارٹ لسٹ کی گئی 25 تصاویر میں سے کرسٹیانو کی تصویر کو ووٹ دیا۔
اس مقابلے کے لیے میوزیم نے 95 ممالک کی 50,000 تصاویر میں سے 25 کو شارٹ لسٹ کیا تھا۔
سال 2019 میں شمالی اٹلی میں سانتا کروس جھیل کا دورہ کرتے ہوئے، کرسٹیانو وینڈرامین اس کی خوبصورتی سے اتنا متاثر ہوا کہ اسے اپنے ایک دوست کی یاد آگئی۔ یہ دوست اس خاص جگہ سے محبت کرتا تھا لیکن اب نہیں کرتا۔ انہوں نے کہا کہ " میرا ماننا ہے کہ ایک پرامن اور صحت مند زندگی کے لیے فطرت کے ساتھ روزمرہ کے تعلق کی ضرورت ہوتی ہے،"وہ کہتے ہیں، "نیچر فوٹو گرافی اس لیے ضروری ہے کہ ہمیں اس تعلق کی یاد دلائے۔ ہمیں اسے محفوظ رکھنا چاہیے۔ ہم ہمیشہ اس کی یادوں میں کھو سکتے ہیں۔"
نیچرل ہسٹری میوزیم کے ڈائریکٹر ڈاکٹر ڈگلس گار کا کہنا ہے کہ کرسٹیانو وینڈرامین کی تصویر ہماری زندگیوں پر قدرت کے مثبت اثرات کو ظاہر کرتی ہے۔انہوں نے کہا کہ گزشتہ دو سالوں نے ایک بار پھر ثابت کر دیا ہے کہ بہتر ماحول ہماری زندگی میں واقعی کتنا اہم ہے۔وہ کہتے ہیں، "مجھے امید ہے کہ جو لوگ وقت کی اس جمی ہوئی جھیل کو دیکھیں گے وہ فطرت سے جڑنے کی خواہش اور اہمیت کو سمجھیں گے۔ ہم سب کو اسے بچانے کے لیے کام کرنا چاہیے۔
فائنل میں پہنچنے والی دیگر چار تصویروں کو بھی خوب داد مل رہی ہیں۔ یہ پانچ تصاویر لندن کے نیچرل ہسٹری میوزیم میں وائلڈ لائف فوٹوگرافر آف دی ایئر نمائش میں 5 جون تک نمائش کے لیے رکھی گئی تھیں۔
دیگر ایورڈ یافتہ تصاویر:
