’افغانستان میں کیا ہو گا کوئی پیش گوئی نہیں کر سکتا‘

اسلام آباد ( پبلک نیوز) پاکستان کے وزیر اعظم عمران خان نے کہا ہے کہ افغانستان کی صورتحال پریشان کن ہے۔ افغانستان میں کیا ہو گا کوئی پیش گوئی نہیں کر سکتا۔ طالبان چاہتے ہیں عالمی برادری انہیں تسلیم کرے۔ امریکی ٹی وی چینل کو انٹرویو دیتے ہوئے ان کا کہنا تھا کہ افغان عوام نے 20 سال میں بہت قربانیاں دی ہیں۔ ہمیں طالبان کی حوصلہ افزائی کرنی چاہیے۔ افغان خواتین طاقتور ہیں، اپنے حقوق خود حاصل کرلیں گی۔

Prime Minister Imran Khan interview with CNN

Part 1:@PakPMO @ImranKhanPTI @BeckyCNN @CNNi https://t.co/9Mlql0QxrW

— Government of Pakistan (@GovtofPakistan) September 15, 2021

انھوں نے کہا کہ عالمی برادری مدد کرے تو افغان پناہ گزینوں کا مسئلہ بھی حل کر لیں گے۔ افغانستان میں افراتفری اور پناہ گزینوں کا مسئلہ ہے۔ طالبان کے آنے کے بعد سے امریکی صدر سے بات نہیں ہوئی۔ امریکہ کے ساتھ نارمل تعلقات چاہتے ہیں۔ ان کا کہنا تھا کہ افغانستان اس وقت تاریخ ساز موڑ پر ہے۔ امریکہ نے کبھی نہیں سمجھا حقانی نیٹ ورک کیا ہے۔ پاکستان میں پہلے ہی 30 لاکھ افغانی پناہ گرین موجود ہیں۔ بطور وزیر اعظم اپنے لوگوں کی خدمت کرنا میری ذمہ داری ہے۔