صحافی کی جانب سے کیے جانے والے سوال پر فاسٹ بولر نے کہا کہ مجھے میسی اور رونالڈو میں سے لیونل میسی پسند ہیں اور میں چاہتا ہوں کہ 18 دسمبر اتوار کو ہونے والے فرانس اور ارجنٹینا کے درمیان فیفا ورلڈ کپ کے فائنل میں میسی کی ٹیم جیتے۔
پاکستان سمیت دنیا بھر سے لاکھوں مداحوں کا پیار حاصل کرنے والے قومی کرکٹ ٹیم کے فاسٹ بولر شاہین شاہ آفریدی خود ہی ایک فٹبالر کے مداح نکلے۔ ارجنٹینا کے لیونل میسی اور پرتگال کے کرسٹیانو رونالڈو دونوں ہی کھلاڑیوں کا شمار دنیا کے شاندار اور عظیم فٹبالرز میں ہوتا ہے تاہم شاہین میسی کے مداح نکلے ہیں۔ شاہین شاہ آفریدی نے اس بات کا انکشاف پاکستان سپر لیگ کے آٹھویں سیزن کی ڈرافٹنگ کے موقع پر کیا ہے۔