فیصل آباد: وزیر داخلہ پنجاب عطاء تارڑ کا کہنا ہے کہ شہباز گل کو گرفتار کرلیا گیا ہے۔ تفصیلات کے مطابق پاکستان تحریک انصاف (پی ٹی آئی )کے اہم رہنما شہباز گل کو گرفتار کرلیا گیا ہے۔وزیر داخلہ پنجاب عطاء تارڑ کا کہنا ہے کہ شہباز گل کو نقص عامہ کے خدشے کے شبہے میں گرفتار کیا گیا ہے۔ اس حوالے سے شہباز گل کاکہنا ہے کہ بغیر کسی وارنٹ کے مجھے گرفتار کیا گیا، مجھے تین گھنٹے سے روکا گیا اور 10 منٹ پہلے مجھے بتایا گیا کہ آپ کو گرفتارکر لیا گیا ہے، آپ باہر نہیں جا سکتے۔ خیال رہے کہ پنجاب پولیس نے رہنما پی ٹی آئی شہباز گِل کے ساتھ مبینہ فرنٹیئر کانسٹیبلری کے مسلح اہلکاروں کی موجودگی کی اطلاع پر فوری ایکشن لیتے ہوئے مظفر گڑھ کی فیکٹری میں موجود شہباز گِل اور مبینہ ایف سی اہلکاروں کو گھیرے میں لے لیا تھا۔