ویب ڈیسک: چین اس وقت وہ عالمی طاقت بننے جا رہا ہے جو امریکہ کو بھی پیچھے چھوڑ دے گا۔ یہ محض دعویٰ نہیں بلکہ اس کے پیچھے چین کی محنت اور لگن ہے۔ 2018 میں دنیا کی سب سے لمبی سمندری پل بنانے کے بعد چینی ماہرین نے تیان لونگ پہاڑی سلسلہ میں رولر کوسٹر طرز کا فلائی اوور بنا کر پوری دنیا کو ورطہ حیرت میں ڈال دیا۔
تین منزلہ رولر کوسٹر ڈیزائن کا یہ فلائی اوور چین کے صوبہ شنسی کے شہر تاییوان کے علاقہ میں واقع ہے۔ سہ منزلہ برج کی بلندی 350 میٹر ہے۔ 3 ہزار مزدوروں کی مدد سے یہ فلائی اوور محض پانچ مہینوں میں تیار کر لیا گیا تھا۔ برج سے گزرنے والوں کا کہنا ہے کہ یہاں سے گزرنے کا تجربہ ایسا ہے جیسے کسی رولر کوسٹر سے گزرے ہوں۔
Marvel of engineering: spectacular drone shot of a three-story highway built along Tianlong Mountain in Taiyuan of North China's Shanxi province. The circular highway bridge is 30 kilometers long and spans the mountain at a height of 350 meters. pic.twitter.com/ruDJfUNuRa
— Global Times (@globaltimesnews) August 28, 2020
خیال رہے کہ چینی ماہرین اپنے فن کو منوانے کے لیے نت نئے ایسے منصوبہ جات تیار کر رہے ہیں جو دنیا کی توجہ اپنی جانب مبذول کرا رہے ہیں۔ ان میں 2016 کے دوران عوام کے لیے کھولا جانے والا لکی ناٹ برج بھی ہے۔