( پبلک نیوز) محمد شکیل خان: انٹرنیشنل کرکٹ کونسل نے ٹی ٹوئینٹی ورلڈکپ 2024 کے ٹرافی ٹور کی لانچنگ کردی۔
تفصیلات کے مطابق ویسٹ انڈیز کے سابق کپتان کرس گیل اور امریکا کے کھلاڑی علی خان نے ایمپائر اسٹیٹ بلڈنگ میں ٹرافی ٹور کی لانچنگ کی ، آئی سی سی ٹی ٹوئینٹی ورلڈکپ ٹرافی ٹور کے دوران 15 ممالک کا دورہ کرے گی۔ ٹور کے دوران ٹرافی کو ارجنٹینا ، برازیل اور کینیڈا بھی لے جایا جائے گا۔
آئی سی سی نے ابتدائی طور پر پہلے ایک مہینے کے ٹرافی ٹور کا شیڈول جاری کیا ہے۔ ٹرافی کو 18 سے 23 مارچ تک نیویارک ، ڈلاس اور ہیوسٹن کا ٹور کرایا جائے گا۔ امریکا کے بعد ٹرافی کو ویسٹ انڈیز کے مختلف ممالک کا دورہ بھی کرایا جائے گا۔
ٹی ٹوئینٹی ورلڈکپ یکم جون سے امریکا اور ویسٹ انڈیز میں کھیلا جائے گا۔
واضح رہے کہ ورلڈ کپ میں 20 ٹیمیں شرکت کریں گی۔