یہ خوراک آزمائیں، موٹاپا دور بھگائیں

لاہور: (ویب ڈیسک) موٹاپے سے پریشان اکثر لوگ جم میں گھنٹوں پسینہ بہاتے ہیں۔ کچھ ڈاکٹروں کے پاس جا کر دوائی لیتے ہیں، جبکہ کچھ لوگ بھوک سے مرنے لگتے ہیں، جو کہ درست آپشن نہیں ہے۔ اگر آپ موٹاپے کا شکار ہیں اور وزن کم کرنے کا سوچ رہے ہیں تو یہ خبر آپ کے کام کی ہے۔ موٹاپے پر جلد سے جلد قابو پانا چاہیے کیونکہ موٹاپے کی وجہ سے کئی بیماریاں آپ کو گھیر سکتی ہیں۔ اس لئے امراض قلب، ہائی بلڈ پریشر، یورک ایسڈ میں اضافہ، ذیابیطس اور وزن کم کرنے کے لیے یہ چیزیں کھائیں۔ دارچینی کا استعمال ایک تحقیق کے مطابق دارچینی میں cinnamaldehyde نامی عنصر موجود ہوتا ہے جو کہ فیٹی ویسرل ٹشوز کے میٹابولزم کو تیز کرتا ہے اور پیٹ کی چربی کو کم کرنے میں مدد دیتا ہے۔ دارچینی کا باقاعدہ استعمال یا اس کی چائے پینے سے وزن کم کرنے میں مدد مل سکتی ہے۔ گاجر کا استعمال گاجر وزن کم کرنے میں بھی مددگار ہے۔ اس میں فائبر کی اچھی مقدار ہوتی ہے۔ یہ پیٹ کو زیادہ دیر تک بھرا رکھتی ہے۔ اس لئے سردیوں کے موسم میں پیٹ کی چربی کو کم کرنے کے لئے آپ گاجر کا رس یا سوپ پی سکتے ہیں۔ الائچی الائچی میں پائے جانے والے میلاٹونن کا استعمال میٹابولک ریٹ کو بڑھاتا ہے۔ جس کی وجہ سے جسم میں چربی بہت تیزی سے جلنے لگتی ہے۔ ہر رات سونے سے پہلے 4 الائچی نیم گرم پانی کے ساتھ کھائیں۔ ایسا باقاعدگی سے کرنے سے آپ کو چند ہفتوں میں فرق نظر آئے گا۔ سونف سونف کی مدد سے آپ وزن کم کر سکتے ہیں۔ سونف فائبر، اینٹی آکسیڈنٹس اور معدنیات کا بھرپور ذریعہ ہے۔ یہ سب چربی کو جلانے اور اس طرح وزن کم کرنے میں مدد دیتے ہیں۔ سونف کھانے کے غذائی اجزاء کے جذب کو بڑھا کر ہاضمے اور میٹابولزم میں مدد کرتی ہے۔ صبح اٹھیں اور سونف کے ساتھ نیم گرم پانی پینا شروع کریں۔ دہی دہی وزن کم کرنے میں بھی مددگار ہے۔ یہ کم کاربوہائیڈریٹ اور زیادہ پروٹین والی غذا ہے، جو اسے وزن کم کرنے کے لئے بہترین غذاؤں میں سے ایک بناتی ہے۔ دہی میں موجود پروٹین دبلے پتلے پٹھوں کو برقرار رکھنے اور پیٹ کی چربی کو کم کرنے میں مددگار ہے۔ اس لحاظ سے دہی وزن کم کرنے میں مددگار ہوتا ہے۔