لاہور (پبلک نیوز) آئندہ 24 گھنٹوں میں پنجاب کے زیادہ تر شہروں میں بارش ہو گی، محکمہ موسمیات نے اہم پیش گوئی کر دی ہے۔ محکمہ موسمیات کے مطابق آئندہ 24 گھنٹوں کے دوران جھنگ، ٹوبہ ٹیک سنگھ، منڈی بہاؤالدین، ساہیوال، اوکاڑہ، ملتان، خانیوال، بہاولپور، بہاولنگر، ڈی جی خان، راجن پور، رحیم یار خان، میانوالی، سرگودھا، بھکراورلیہ کے اضلاع میں آندھی اور گرد آلود ہوائیں چلنے کے ساتھ بارش کا امکان ہے۔اس دوران خطۂ پوٹھوہار، لاہور، قصور، فیصل آباد، گوجرانوالہ، گجرات، سیالکوٹ، نارووال میں بھی میں آندھی اور گرج چمک کے ساتھ بارش کی توقع ہے۔