لاہور (پبلک نیوز) وزیراعظم پاکستان کا 10بلین ٹری سونامی پراجیکٹ ناکام ہونے کا خدشہ پیدا ہو گیا
تفصیلات کے مطابق وزیراعظم عمران خان کا بلین ٹری سونامی پراجیکٹ مبینہ طور پر التوا کا شکار ہو گیا ہے۔ پنجاب میں محکموں کی عدم دلچسپی کے باعث دو برسوں کے دوران 23 کی بجائے محض 5 کروڑ پودے لگائے جا سکے۔ ٹین بلین ٹری سونامی پراجیکٹ 2019 میں شروع ہوکر 2023 میں مکمل ہوگا۔
منصوبے کے تحت پنجاب 26 ارب روپے سے زائد کی مالیت سے 46 کروڑ پودے لگائے جانے ہیں۔ 4 سالہ منصوبے میں دوسال سے زائد عرصہ گزرنے کے بعد پنجاب میں محض 3 ارب 29 کروڑ روپے کی لاگت سے 5 کروڑ 82لاکھ 46ہزار پودے ہی لگائے جاسکے ہیں۔