رپورٹ کے مطابق بچی کی جان بچانے والے شخص کا نام شین ڈونگ ہے اور اس کی عمر 31 سال ہے۔ جب وہ عمارت کے سامنے سڑک کے دوسری طرف گاڑی پارک کر رہا تھا تو اس کی نظر عمارت کی 5ویں منزل پر پڑی. بچی وہاں سے گرنے ہی والی تھی کہ وہ فوراً کار سے باہر نکلا اور سڑک کے پار بھاگا اور 5 ویں منزل سے گرنے والی اس بچی کو دبوچ لیا. سوشل میڈیا صارفین اس فرشتہ صفت شہری کی تعریفیںکر رہے ہیں. ان کا کہنا ہے کہ شکر ہے کہ شین ڈونگ نے بچی کو پکڑ لیا اور اس کی جان بچ گئی۔ وہ اب مکمل طور پر محفوظ ہے، اسے کوئی چوٹ نہیں آئی۔ شین فرشتہ بن کر موقع پر پہنچا اور لڑکی کو موت کے منہ سے نکالا۔ مائیسا نامی ٹویٹر صارف نے لکھا، ’’حیرت انگیز! ہمیں ایسے مزید انسانوں کی ضرورت ہے. مجھے یقین ہے کہ ایسے لوگوں کے ساتھ دنیا بہتر ہوگی۔ یہ لائق تحسین ہیں۔Heroes among us. pic.twitter.com/PumEDocVvC
— Lijian Zhao 赵立坚 (@zlj517) July 22, 2022
چین میں ایک شخص نے ایک بلڈنگ کی پانچویں منزل سے گرنے والی بچی کو پکڑ کر اس کی جان بچا لی ہے. اس واقعے کی ویڈیو سوشل میڈیا پر تیزی سے وائرل ہو رہی ہے۔ تفصیل کے مطابق اگرچہ سوشل میڈیا پر بہت سی ویڈیوز وائرل ہوتی رہتی ہیں لیکن چین میں پیش آنے والے اس واقعے کی ویڈیو آپ کو حیران کر دے گی۔ یہ واقعہ چین کے صوبہ زی جیانگ میں پیش آیا، جہاں ایک بچی 5ویں منزل سے گر رہی تھی کہ ایک شخص فرشتہ بن کر وہاں پہنچ گیا اور بھاگ کر اسے دبوچ لیا۔ اس واقعے کی ویڈیو دیکھنے والے سوشل میڈیا صارفین اس شخص کی بہادری کی تعریفیںکر رہے ہیں ۔میڈیا رپورٹس کے مطابق 5 ویں منزل سے گرنے والی اس بچی کی عمر 2 سال ہے۔