(ویب ڈیسک ) نتھنگ نے اپنا جدیدترین موبائل 2 aمتعارف کرانے کا اعلان کردیا ، تشہیر کا طریقہ بھی دل چسپ ، شہریوں میں ویڈیو وائرل ہوگئی۔
نتھنگ موبائل کمپنی نے اپنا جدید ترین موبائل 2a پانچ مارچ کو لانچ کرنے کا اعلان کیا ہے ۔ تاہم اس کی تشہیر کی جو ویڈیو سماجی رابطے کی سائٹ پر لانچ کی گئی ہے اس نے تو جیسے شہریوں کے دل ہی جیت لئے ہیں۔
انٹر نیٹ پر دستیاب معلومات کے مطابق نتھنگ کے نئے موبائل فون میں Snapdragon 8+ Gen1. متعارف کرایا جارہا ہے جبکہ اس کی فرسٹ جنریشن میں Snapdragon 778G+ موجودہے۔
اسی طرح بیٹری کی طاقت 4.700 mAh ہے جو کہ فاسٹ چارجنگ کے ساتھدستیاب ہوگی۔
کیمرے میں جدید ٹیکنالوجی متعارف کرائی گئی ہے جس سے بہتر HDR پروسیسنگ، پورٹریٹ موڈ میں اصلاحات، کم روشنی کے ساتھ بہتر تصویر اورفوٹو گرافی ممکن ہوگی۔
An unboxing like no other. Phone (2a) just dropped in London.
— Nothing (@nothing) February 26, 2024
Launching 5 March. pic.twitter.com/7hcb4ELYMG
یادرہے نتھنگ فون کے بانی کارل پیئی وہ شخص ہیں جو پہلے ون پلس جیسے کامیاب اسمارٹ فون برانڈ کے شریک بانی تھے پھر اسے چھوڑ کر الگ ہوئے اور ایک نئی کمپنی نتھنگ کی بنیاد رکھی۔
نتھنگ کمپنی نے پراسیسر کے لیے کوالکوم سے جبکہ کیمرے اور باقی پرزوں کے لئے سونی اور ویژنکس کمپنیوں سے شراکت داری کی ہے ۔
کمپنی نے فون کے ساتھ 3 آپریٹنگ سسٹم اپ ڈیٹس اور 4 سال تک اینڈرائیڈ سیکیورٹی اپ ڈیٹس فراہم کرنے کا بھی وعدہ کیا ہے۔