کراچی (پبلک نیوز) کورونا وائرس ہر گزرتے دن کے ساتھ شدت اختیار کرتا جا رہا ہے۔ عالمی وبا کے پیش نظر سندھ حکومت نے اہم فیصلہ کیا ہے۔
صوبائی حکومت کی جانب سے سندھ بھر کے مزارات اور درگاہوں کو اگلے دس روز کے لیے بند کرنے کا فیصلہ کیا گیا ہے۔ یہ فیصلہ کورونا وائرس کی تیسری لہر کے سامنے آنے اور شدت اختیار کر جانے کے باعث کیا گیا ہے۔
حکومت سندھ کے فیصلہ کے پیش نظر 6 اپریل تک تمام مزارات اور درگاہیں بند رہیں گی۔ حکومت کی جانب سے نوٹیفکیشن بھی جاری کر دیا گیا ہے۔