لاہور: (ویب ڈیسک) سردیوں میں شکرقندی کا استعمال آپ کو کئی طرح سے فائدہ دے گا۔ شکرقندی میں موجود غذائی اجزاء ہاضمے اور جلد کی صحت کے لیے بہت فائدہ مند ہیں۔ اسے کھانے سے میٹابولزم بڑھے گا اور قوت مدافعت بھی مضبوط ہوگی۔ مدافعتی نظام شکرقندی وٹامن ڈی کا ایک اچھا ذریعہ ہے۔ سردیوں میں وٹامن ڈی سے بھرپور شکرقندی کھانے سے آپ کا مدافعتی نظام مضبوط ہوتا ہے۔ جڑ والی سبزیاں عام طور پر گرمی پیدا کرنے والی خصوصیات کے لیے جانی جاتی ہیں اور میٹھے آلو کھانا سب سے زیادہ فائدہ مند ہے۔ جلد کے لیے فائدہ مند شکرقندی کا استعمال جلد کے لیے بھی بہت فائدہ مند سمجھا جاتا ہے۔ اس میں زیادہ مقدار میں کیروٹینائڈز ہوتے ہیں جو کہ ایک اینٹی آکسیڈنٹ ہیں۔ میٹابولزم سردیوں میں اسے کھانے سے آپ کو کافی توانائی ملے گی۔ میٹھے آلو میں وٹامن بی 6 پایا جاتا ہے۔ یہ میٹابولزم اور اعصابی نظام کو درست رکھتا ہے۔ شکرقندی فائبر سے بھرپور اور ہاضمے کے لیے اچھے ہوتے ہیں۔ بلڈ پریشر کے مریضوں کے لیے مفید شکرقندی میں موجود فائبر کی مقدار خراب کولیسٹرول کو کم کرتی ہے۔ اگر آپ بلڈ پریشر کی سطح کو کنٹرول میں رکھنا چاہتے ہیں تو شکرقندی کا استعمال آپ کو فائدہ دے گا۔ یہ پوٹاشیم سے بھرپور اور بلڈ پریشر کی سطح کو کنٹرول میں رکھتی ہے۔ دماغی صحت کے لیے فائدہ مند شکرقندی کا استعمال دماغی صحت کے لیے بھی فائدہ مند ہے۔ شکرقندی میں موجود کولین دماغ کی نشوونما کے لیے ضروری ہے اور مینگنیز یاداشت کو بہتر بنانے کے لیے ضروری ہے۔ کینسر شکرقندی میں موجود بیٹا کیروٹین چھاتی اور رحم کے کینسر کے خطرے کو کم کر سکتا ہے۔ شکر قندی وٹامن اے سے بھرپور ہوتی ہے جو خواتین کی صحت کیلئے بہت ضروری تصور کیا جاتا ہے۔