واشنگٹن(ویب ڈیسک) امریکی قانون ساز لنڈسے گراہم نے کہا ہے کہ پاکستان کا کردار افغانستان میں کسی بھی پائیدار حل کے لیے ضروری ہے۔
ایک بیان میں امریکی سینیٹر نے کہا کہ پاکستان کو افغانستان کے تنازعے کے پائیدار حل کا حصہ بننا چاہیے۔
ان کا یہ تبصرہ امریکہ میں پاکستان کے سفیر اسد مجید خان کے ساتھ خطے کے بارے میں بات چیت کے بعد سامنے آیا۔ امریکی سینیٹر نے ٹویٹر پر لکھا افغانستان کے کسی بھی پائیدار حل میں پاکستان شامل ہونا چاہیے ، انہوں نے خطے کو انتہائی پیچیدہ اور موجودہ دور کو خطرناک قرار دیا۔ انہوں نے کہا کہ ہم سب کو یاد رکھنا چاہیے کہ پاکستان ایک ایٹمی طاقت ہے۔لنڈسے گراہم نے ٹویٹر پر لکھا امریکی شہریوں، ہمارے اتحادیوں اور دیگر ممالک کے انخلا میں مدد کے لیے پاکستانی حکومت کی کوششوں کی بہت تعریف کرتے ہیں۔
امریکی سینیٹر کے ٹویٹ کا جواب دیتے ہوئے پاکستانی سفیر نے کہا کہ انہوں نے سینیٹر گراہم سے افغانستان کی ابھرتی ہوئی صورتحال پر بات کی ہے اور انہیں افغانستان سے انخلاء میں معاونت کے لیے پاکستان کی کوششوں سے آگاہ کیا۔Any sustainable solution in Afghanistan must include Pakistan.
We all must remember Pakistan is a nuclear-armed nation, and there is a Pakistan version of the Taliban who wishes topple the Pakistani government and military. Very complicated region and dangerous times. — Lindsey Graham (@LindseyGrahamSC) August 27, 2021
Just spoke to Senator Graham on the evolving situation in Afghanistan. Briefed him on our efforts to support evacuations from Afghanistan. @PakinUSA @ForeignOfficePk https://t.co/kKmZVx5IxG
— Asad M. Khan (@asadmk17) August 27, 2021
واضح رہے کہ کچھ دن پہلے امریکہ نے پاکستان اور نصف درجن دیگر ممالک سے رابطہ کیا تھا، جن کے بارے میں خیال کیا جا رہا تھا کہ وہ افغانستان کی صورتحال پر اثر انداز ہو سکتے ہیں۔