لاہور ( پبلک نیوز) امریکہ در اصل افغان طالبان کو سیاسی قوت کے طور تسلیم کر چکا ہے۔ بریگیڈیئر (ر) غضنفر علی نے پبلک نیوز کے ٹاک شو انسائیٹ ود فواد خورشید میں اظہار خیال کرتے ہوئے اندر کی بڑی خبر دے دی۔ لائیو شو میں گفتگو کرتے ہوئے انھوں نے مزید کہا کہ امریکہ کے ساتھ افغانستان میں بہت بری ہوئی۔ اب امریکہ افغان طالبان کو ایک سیاسی قومی کے طور پہ تسلیم کرنے پر مجبور ہو چکا ہے۔ دفاعی تجزیہ کار نے بتایا کہ افغانستان والے معاملہ میں بھارت کردار انتہائی مضحکہ خیز ہے، انڈیا اس کتے کی مثال بن گیا ہے جو نہ گھاٹ کے رہتا ہے اور نہ گھر کا۔ ان کا کہنا تھا کہ مسئلہ کشمیر پر اقوام متحدہ کا کردار ہمیشہ سے منافقانہ رہا ہے۔ یہی وجہ ہے کہ آج تک یہ ایک عالمی مسئلہ ہونے کے باوجود حل نہیں ہو سکا۔