عمران خان کا سیلاب متاثرین کیلئے انٹرنیشنل ٹیلی تھون

پاکستان تحریک انصاف کے چیئرمین اور سابق وزیر اعظم عمران خان کا کہنا ہے کہ وہ سیلاب متاثرین کے لیے انٹرنیشنل ٹیلی تھون کریں گے۔ تفصیلات کے مطابق عمران خان نے سماجی رابطے کی ویب سائٹ ٹوئٹر پر بتایا کہ ہمارے سینئر رہنماؤں کا اجلاس ہوا ہے جس میں یہ فیصلہ کیا گیا ہے کہ سیلاب متاثرین کی بحالی کے لیے چندہ جمع کیا جائے گا، جس کیلئے میں پیر کی رات کو انٹرنیشنل ٹیلی تھون کروں گا۔

ہمارےسینئر قائدین کا اجلاس ہوا اور ہم نےفیصلہ کیا کہ سیلاب متاثرین کی خاطر چندہ جمع کرنےکیلئےمیں پیر کی شب انٹرنیشنل ٹیلی تھون کروں گا۔امدادی سرگرمیوں کیلئےعمران ٹائیگرز کے رضاکاروں کو متحرک کیا جائے گا۔ ضرورت کی بناءپر فنڈز کی نشاندہی اورتخصیص کے عمل کو مربوط بنانے کیلئے

— Imran Khan (@ImranKhanPTI) August 27, 2022

ان کا مزید کہنا تھا کہ امدادی سرگرمیوں کے لیے عمران ٹائیگرز کے رضاکاروں کو بھی متحرک کیا جائے گا۔ عمران خان نے لکھا کہ سیلاب متاثرین کی بحالی کے ساتھ ساتھ حقیقی آزادی کی جدوجہد بھی جاری رہے گی۔ فندز کی نشاندہی اور تخصیص کے عمل کو مربوط بنانے کے لیے ثانیہ نشتر کی سربراہی میں ایک کمیٹی قائم کی جائے گی۔

ثانیہ نشتر کی زیرِ قیادت ایک کمیٹی قائم کی جائے گی۔ میں واضح کر دوں کہ سیلاب متاثرین کیلئے ہماری امدادی سرگرمیوں (فلَڈ ریلیف وَرک) کے ساتھ ہماری حقیقی آزادی کی تحریک بھی جاری رہے گی۔

— Imran Khan (@ImranKhanPTI) August 27, 2022