لاہور(پبلک نیوز) ذرائع کا کہنا ہے کہ مریم نواز کی جارحانہ سیاست کی وجہ سے پیپلزپارٹی کی جانب سے بڑا فیصلہ سامنے آیا ہے۔
ذرائع کا کہناہے کہ پیپلزپارٹی پنجاب کے اپوزیشن لیڈر حمزہ شہباز سے روابط بڑھائے گی، بلاول بھٹو اور حمزہ شہباز کے درمیان جلد رابطہ بھی متوقع ہے۔ ذرائع کے مطابق پی پی رہنماؤں نے موقف اختیار کیا ہے کہ مریم نواز کا طرز سیاست پی ڈی ایم اتحاد کو نقصان پہنچا سکتا ہے، جس کی وجہ سے پیپلزپارٹی کی جانب سے نئی سیاسی حکمت عملی اختیار کرنے کا فیصلہ کیا گیا ہے۔
ذرائع کے مطابق پی پی پی کی جانب سے مفاہمت، ٹھنڈے مزاج رکھنے والے لیگی رہنماؤں سے روابط بڑھائے جائیں گے، پی پی کی پی ڈی ایم اجلاس میں مریم کے بجائے حمزہ کو شامل کرنے کی تجویز کا امکان ہے۔