اسلام آباد(پبلک نیوز) اسلام آباد ہائی کورٹ نے خاتون اینکر کو ہراساں کرنے کے الزام میں صحافی اسد طور کے خلاف قانونی کارروائی جاری رکھنے کا حکم دیا ہے.
تفصیلات کے مطابق اسلام آباد ہائیکورٹ نے ایف آئی اے کو کارروائی جاری رکھنے کی ہدایت کرتے ہوئے یوٹیوبراسد طور کی پٹیشن خارج کردی ہے اور مقامی ٹی وی کے مارننگ شوکی میزبان شفاء یوسفزئی کی کردار کشی کے معاملے میں ایف آئی اے کواسد طور سے قانون کے مطابق نمٹنے کی ہدایات کردی ہے۔ ہائیکورٹ نے کہا کہ اسد طور کیس دو نیچرل پرسن کے درمیان معاملہ ہے اس میں ایف آئی اے کو ابتدائی انکوائری سے روک نہیں سکتے۔ اسد طور کو شکایت کی کاپی کے ساتھ نوٹس بھجوائیں اور قانون کے مطابق کارروائی کریں، یہ تاثر زائل کریں کہ ایف آئی اے محض چند صحافیوں کو ٹارگٹ کر رہی ہے.
IHC CJ Ather Minallah disposed off the petition of Asad Toor and has directed FIA to proceed ahead with the investigation strictly following the law.Hon CJ also said my complaint is not a matter of curbing free speech - This complaint involves a natural person & her dignity -1 pic.twitter.com/ss7sslgLBb
— Shiffa Z. Yousafzai (@Shiffa_ZY) June 30, 2021
صحافی اور یوٹیوبر اسد طور پر خاتون اینکر کے خلاف نازیبا زبان استعمال کرنے اور انکی کردار کشی کرنے کا الزام ہے.