ویب ڈیسک:پاکستان کرکٹ ٹیم کے سابق آل راؤنڈر محمد حفیظ کی امریکہ سے وطن واپسی کے سفر میں قیمتی سامان چوری ہو گیا۔
تفصیلات کے مطابق قومی کرکٹ ٹیم کے سابق کپتان محمد حفیظ نے سماجی رابطے کی ویب سائٹ ایکس (ٹوئٹر) پر لکھا کہ ’نیویارک سے لاہور پہنچنے پر اپنا سامان وصول کیا تو میرے سوٹ کیس کو نقصان پہنچا ہوا تھا۔ انہوں نے کہا کہ میں نے اپنا بیگ کھول کر چیک کیا تو اس میں سے میرا قیمتی سامان اور تحائف غائب ہو چکے تھے۔
محمد حفیظ نے کہا کہ میں نے لاہور ایئرپورٹ پر شکایت درج کروا دی ہے تاہم اب تک مجھے میرے سامان کے حوالے سے کوئی جواب نہیں ملا۔ محمد حفیظ نے نجی ائیرلائن کی ناقص سروس پر برہمی کا اظہار بھی کیا۔
— Mohammad Hafeez (@MHafeez22) March 29, 2024
واضح رہے کہ کرکٹر حالیہ دنوں میں پاکستان کی سینئر کرکٹ ٹیم کے ڈائریکٹر کے عہدے سے برطرف ہونے کے بعد خبروں میں ہیں۔