اسلام آباد ( پبلک نیوز) سی ایس ایس2021 کے تحریری امتحان کے نتائج کا اعلان کر دیا گیا ہے۔ تفصیلات کے مطابق فیڈرل پبلک سروس کمیشن نے تحریری امتحان کے نتائج کا اعلان کر دیا۔ ایف پی ایس سی کے مطابق 39 ہزار 650 امیدواروں نے اپلائی کیا۔ 17 ہزار 240 امیدواروں نے امتحان میں حصہ لیا۔ ایف پی ایس سی کے مطابق 364 امیدواروں نے تحریری امتحان پاس کیا۔ تحریری امتحان میں کامیابی کی شرح 2 اعشاریہ 11 فیصد رہی۔ کامیاب امیدواروں میں بلور خان نے پہلی پوزیشن لی۔ سردار عثمان سلیم دوسرے اور فائزہ اکمل تیسرے نمبر پر ہیں۔