اسلام آباد: پاکستان میں فضائی سفرکرنے والوں کےلئےنئی سہولت متعارف کروادی گئی۔ تفصیلات کے مطابق کراچی میں "فلائی جناح "کی افتتاحی تقریب میں لیکسین گروپ، ایئرعربیہ گروپ اورمختلف ممالک کے سفارتکاروں نے بھی شرکت کی۔ جدید ٹیکنالوجی سے آراستہ فلائی جناح ملک میں شعبہ ہوابازی میں اپنا اہم کر دار ادا کرے گی۔ فلائی جناح کی کراچی سے اسلام آباد، لاہور اور پشاورکے لئےروزانہ براہ راست پروازیں آپریٹ ہوں گی۔کراچی اور کوئٹہ کےدرمیان ہفتے میں4 پروازیں آپریٹ کی جائیں گی۔ اسکردو کےلئےبھی پروازیں چلائی جائیں گی۔ کراچی، لاہور، پشاور، کوئٹہ اور اسلام آباد سے کے لیے کرایہ 13 ہزار 999 روپے رکھا گیا ہے۔جبکہ مسافروں کو 10 کلو گرام دستی سامان لے جانے کی اجازت ہو گی۔اس کے علاوہ فلائی جناح کی پرواز میں دورانِ سفر مسافروں کو انٹرٹینمنٹ کی سہولت مفت فراہم کی جائے گی۔