لاہور ( پبلک نیوز) پاکستان مسلم لیگ ن کی نائب صدر مریم نواز کا ٹویٹر پیغام میں کہنا تھا کہ اپنی ناکامی اور بدترین کارکردگی کا غصہ سرکاری افسران پر نکالنا فرعونیت ہے۔
سماجی رابطوں کی ویب سائٹ ٹوئٹر پر سیالکوٹ پر رد عمل دیتے ہوئے مریم نواز نے ٹویٹ کیا جس میں انھوں نے لکھا کہ رمضان بازاروں ميں غير معياری، مہنگی اشياء حکومتی نالائقی کا منہ بولتا ثبوت ہیں۔
انھوں نے اپنے ٹویٹ پیغام میں مزید یہ بھی لکھا کہ سرکاری افسران آپ کے ذاتی ملازم نہیں۔ سيالکوٹ کے رمضان بازار ميں خاتون اسسٹنٹ کمشنر سونیا صدف کے ساتھ ہونے والا سلوک قابل مذمت ہے۔
اپنی ناکامی اور بدترین ارکردگی کا غصہ سرکاری افسران پر نکالنا فرعونیت ہے۔ رمضان بازاروں ميں غير معياری،مہنگی اشياء حکومتی نالائقی کا منہ بولتا ثبوت ہیں۔ سرکاری افسران آپ کے ذاتی ملازم نہیں۔سيالکوٹ کے رمضان بازار ميں خاتون اسسٹنٹ کمشنر سونیا صدف کے ساتھ ہونے والا سلوک قابل مذمت ہے۔
— Maryam Nawaz Sharif (@MaryamNSharif) May 2, 2021
مریم نواز نے ایک اور ٹویٹ بھی کی جس میں لکھا کہ سول سرونٹس اور بیوروکریٹس پڑھ لکھ کر، محنت کر کے، مقابلے کے امتحان پاس کر کے اس مقام تک پہنچتے ہیں، SELECT ہو کر نہیں آتے۔ وزیر ہونے کا مطلب یہ نہیں ہے کہ آپ کو افسران کی تذلیل کا لائسنس مل گیا ہے۔ یہ رعونت قابل قبول نہیں۔ سونیا صدف سے معافی مانگیے۔
سول سرونٹس اور بیوروکریٹس پڑھ لکھ کر، محنت کر کے، مقابلے کے امتحان پاس کر کے اس مقام تک پہنچتے ہیں، SELECT ہو کر نہیں آتے۔ وزیر ہونے کا مطلب یہ نہیں ہے کہ آپ کو افسران کی تذلیل کا لائسنس مل گیا ہے۔ یہ رعونت قابل قبول نہیں۔ سونیا صدف سے معافی مانگیے
— Maryam Nawaz Sharif (@MaryamNSharif) May 2, 2021
خیال رہے کہ معاون خصوصی وزیر اعلیٰ پنجاب فردوس عاشق اعوان نے سیالکوٹ میں رمضان بازار کا دورہ کیا جہاں پر ناقص انتظامات کی وجہ اسسٹنٹ کمشنر کو سب کے سامنے جھاڑ پلا دی تھی۔ اس دوران دونوں خواتین کے درمیان تلخ کلامی بھی ہوئی۔ بعد ازاں اے سی سونیا صدف پنڈال چھوڑ کر چلی گئیں۔