ویب ڈیسک: جرمنی کے شہر مانہائیم میں ایک کار ہجوم پر چڑھ دوڑی، جس کے نتیجے میں دو شخص ہلاک اور متعدد زخمی ہوگئے، مزید ہلاکتوں کا خدشہ ظاہر کیا گیا۔ 40 سالہ جرمن ڈرائیور کو گرفتار کرلیا۔
مقامی میڈیا کی تازہ ترین اطلاعات کے مطابق پولیس نے تصدیق کرتے بتایا گیا کہ ایک شخص ہلاک ہوا اور کئی زخمی ہوئے ہیں، حادثے میں زخمی ہونے والوں میں سے کچھ حالت تشویشناک بتائی جارہی ہے۔بعدازاں ایک زخمی اسپتال میں دم توڑ گیا۔
ایک 40 سالہ جرمن شخص کو گرفتار کر لیا گیا ہے۔پولیس اور سرکاری وکلاء کا الزام ہے کہ یہ حملہ جان بوجھ کر کیا گیا، حالانکہ اس کا کوئی "سیاسی" مقصد نہیں تھا۔ حکومتی اہلکار یہ پتہ لگانے کی کوشش کر رہے ہیں کہ آیا حملہ آور نفسیاتی مریض تھا؟
یادرہے جرمنی کی مغربی ریاستوں کے بہت سے قصبوں اور شہروں کی طرح، منہائم میں بھی سالانہ کارنیوال سیزن کی تقریبات جاری تھیں لیکن منہائم کے مرکزی علاقے میں پیر کو بھی جشن کا سماں تھا، تفریح کے سامان اور کھانے پینے کی گاڑیاں شہر کے مرکزی چوراہوں پر کھڑی تھیں۔ کہ اچانک یہ سانحہ رونما ہوگیا۔
منہائم میں عوامی مقامات پر حملے کوئی نئے نہیں ہیں اور جرمنی میں ایسے حملے اب معمول بنتے جارہے ہیں ۔
گزشتہ سال مئی میں شہر میں چاقو کے حملے کو روکنے کی کوشش کرتے ہوئے ایک پولیس افسر ہلاک ہو گیا تھا۔ اس کے بعد سولنگن اور اسکافنبرگ میں بھی چاقوؤں کے حملوں میں ہلاکتیں ہوئی تھیں اور لوگ زخمی ہوئے تھے۔
کاروں کو بھی ہتھیار کے طور پر استعمال کیا گیا ہے۔ فروری میں میونخ میں ایک کار نے ایک ماں اور بچے کو کچل دیا تھا۔ گزشتہ سال دسمبر میں ماگڈے برگ میں پرہجوم کرسمس مارکیٹ میں ایک شخص نے کار چڑھا دی تھی جس میں تقریباً 300 افراد زخمی اور چھ ہلاک ہو گئے تھے۔