پشاور: (پبلک نیوز) پشاور کے علاقے پھندو سے چوری ہونے والی ٹک ٹاک سٹار بلی برآمد ہوگئی، ٹک ٹاک سٹار چوری کے بعد فروخت ہوگئی تھی۔تفصیلات کے مطابق پشاور کے علاقے پھندو میں ایک عجیب و دلچسپ واقعہ پیش آیا جہاں ٹک ٹاک سٹار بلی گمشدہ ہوگئی تھی۔ پولیس کا کہنا تھا کہ رشین بلی کو فقیر آباد سے برآمد کیا گیا ہے۔ چوری کے بعد فقیر آباد کے رہائشی نے پندرہ ہزار روپے میں بلی خرید لی تھی۔یاد رہے دس روز قبل پھندو پولیس نے بلی کے گمشدہ ہونے کی رپورٹ درج کی تھی۔ مالک کا کہنا تھا کہ بلی کی قیمت لاکھوں روپے ہے۔