کردار کشی کے الزامات پر مریم نواز کا سخت ردعمل

مسلم لیگ ن کی نائب صدر مریم نواز نے کہا ہے کہ میں نہ کردارکشی پریقین رکھتی ہوں نہ انتقام پر، انسان کی ذاتی ونجی زندگی اس کا اور اللّہ کا معاملہ ہے۔ ٹوئٹر پر مریم نے پاکستان تحریک انصاف کے آفیشل اکاؤنٹ کی جانب سے شیئر کی گئی ویڈیو ری ٹوئٹ کرتے ہوئے اس پر اپنے ردعمل کا اظہار کیا۔ پی ٹی آئی کی ٹوئٹ میں کہا گیا تھا کہ ' مریم نواز جس کی وجہ شہرت جعلی رسیدیں،جعلی ٹرسٹ ڈیڈ اور جعلی خط ہے اب اطلاعات ہیں کہ انہوں نے DeepFake# ٹیکنالوجی کے ذریعے کئی اہم سیاسی شخصیات کی جعلی ویڈیوز بنوا کر کردار کشی کی منصوبہ بندی کر چکی ہیں، مگر ہمیشہ کی طرح اس بار بھی ذلت ہی مقدر ہوگا'۔

مجھے علم نہیں یہ ڈرامہ آپ کیوں کر رہے ہیں مگر باوجود اسکے کہ عمران خان نے مجھے دو بار جیل میں ڈالا،سزائے موت کی چکی میں رکھا،میں نا کردار کُشی پر یقین رکھتی ہوں نا ذاتی انتقام پر۔انسان کی ذاتی ونجی زندگی اسکا اور اللّہ ربّ العزت کا معاملہ ہے۔برائے مہربانی مجھے اس گند سے دور رکھیے https://t.co/MzJhLrt4NO

— Maryam Nawaz Sharif (@MaryamNSharif) May 3, 2022

اس پر مریم نواز کا کہنا تھا کہ مجھے علم نہیں یہ ڈراما آپ کیوں کر رہے ہیں مگر باوجود اس کے کہ عمران خان نے مجھے دو بار جیل میں ڈالا، سزائے موت کی چکی میں رکھا، میں نہ کردار کُشی پر یقین رکھتی ہوں نا ذاتی انتقام پر، انسان کی ذاتی ونجی زندگی اس کا اور اللّہ رب العزت کا معاملہ ہے، برائے مہربانی مجھے اس گند سے دور رکھیے۔ ایک اور ٹوئٹ میں مریم نواز کا کہنا تھا کہ وہ ایف آئی اے سائبر کرائم میں شکایت کریں گی تاکہ اس کا نوٹس لیا جائے اور کارروائی کی جائے۔

Yes I will write to FIA cyber crime to take notice of this. https://t.co/rj5lzxcWdH

— Maryam Nawaz Sharif (@MaryamNSharif) May 3, 2022