لاہور ہائیکورٹ نے الیکشن کمیشن آف پاکستان کو عمران خان کو پی ٹی آئی سربراہی سے ہٹانے کی کارروائی سے روک دیا ہے۔ تفصیلات کے مطابق ہائیکورٹ کے جج جسٹس جواد حسن نے عمران خان کی الیکشن کمیشن کی کارروائی کے خلاف درخواست پر سماعت کی۔ عدالت نے الیکشن کمیشن کو نوٹس جاری کر کے جواب طلب کر لیا۔ خیال رہے کہ چیئرمین پاکستان تحریک انصاف (پی ٹی آئی ) عمران خان نے الیکشن کمیشن آف پاکستان (ای سی پی) کے خلاف لاہور ہائی کورٹ سے رجوع کیا ہے۔ عمران خان نے درخواست میں الیکشن کمیشن کی اپنے خلاف کارروائی کو چیلنج کیا ہے۔ درخواست میں موقف اختیار کیا گیا ہے کہ الیکشن کمیشن اپنے اختیارات سے تجاوز کرکے پارٹی عہدے سے ہٹانے کی کارروائی کررہا ہے۔