(ویب ڈیسک)سابق وزیراعظم اور بانی تحریک انصاف عمران خان کی عرصہ دراز کے بعد تصویر منظرعام پرآگئی جبکہ ان کی جانب سے ایک پیغام بھی دیا گیا ہے۔
تفصیلات کے مطابق بانی تحریک انصاف عمران خان نے جیل سے قوم کے لئے ایک اہم پیغام جاری کیا ہے، انہوں نے کہا کہ "میرے پاکستانیو، مجھے آپ کی حقیقی آزادی کی جنگ لڑنے پر 24 سال کی سزا سنا دی گئی۔ مجھے اور پاکستان کو آپ کے بس 24 گھنٹے چاہئیں!
لوگوں کے زیادہ سے زیادہ ووٹ ڈلوائیں، پولنگ ایجنٹ کو فارم 45 ملنے تک پولنگ سٹیشن پر رکیں، اور پھر مکمل رزلٹ آنے تک ریٹرننگ افسر کے دفتر کے باہر پرامن طریقے سے بیٹھیں-“
عمران خان کا جیل سے پیغام:
— Imran Khan (@ImranKhanPTI) February 6, 2024
pic.twitter.com/cJoD68y4HD
دوسری جانب نگراں وزیر اطلاعات مرتضیٰ سولنگی نے اپنے بیان میں کہا کہ اڈیالہ جیل سے عمران خان کی تصویر لیک ہونے پر جو بھی ضروری کارروائی ہو گی وہ کریں گے۔
بانی پی ٹی آئی کی تصویر کے سامنے آنے پر سوشل میڈیا کے مختلف پلیٹ فارمز پر اس کو شیئر کیا جارہا ہے جبکہ پی ٹی آئی کے کارکنان بھی اپنے لیڈر کی تصویر کو دیکھ کرپرجوش ہوچکے ہیں۔