اسلام آباد ( پبلک نیوز) ممبرانِ پارلیمان کو فضائی ٹکٹس کی جگہ واؤچر دینے کا معاملہ، قومی اسمبلی اور سینیٹ سیکرٹریٹ کی سروس برانچ نے پی آئی سے نئے کرایوں کی تفصیلات مانگ لیں۔ ذرائع کے مطابق نئے کرایوں کے حساب اور ارکان پارلیمنٹ کے علاقوں کے فاصلوں کے حساب سے واؤچرز دیئے جائیں گے۔ پی ائی اے سے تفصیلات کی فراہمی کے بعد سکیورٹی پرنٹنگ پریس کراچی سے واؤچرز تیار کروائے جائیں گے۔ رکن پارلیمنٹ کو ایک مالی سال میں 25 ائیر لائن کی ٹکٹس فراہم کی جاتی تھی۔ پی آئی اے کے 25 ٹکٹس کے ساتھ تین لاکھ کے واؤچرز رکن پارلیمنٹ کو سالانہ دیئے جاتے تھے۔ ائیر لائن کی ٹکٹ پر رکن پارلیمنٹ سفر کر سکتا تھا، واؤچرز سے فیملی ممبران اور دوست بھی فضائی سفر کر سکیں گے۔ ممبر پارلیمنٹ واؤچرز نہ لیں تو کل قیمت کی 70 فیصد رقم کیش میں وصول کر سکے گا۔ واؤچرز سے ممبران پارلیمنٹ اور قومی اسمبلی دونوں کا فائدہ ہوگا۔