گلوکار نے کہا کہ میں میوزک انڈسٹری چھوڑ رہا ہوں اور میں نے مذہبی وجوہات کے بنا پر موسیقی سے کنارہ کشی اختیار کرنے کا فیصلہ کرلیا ہے۔ عبداللہ قریشی نے لکھا کہ میں نے اس انڈسٹری میں بہت اچھا وقت گزارا ہے جس میں موسیقی کی تخلیق، ہزاروں لوگوں کے سامنے کنسرٹ میں پرفارمنس ، محبت اور تعریفیں سمیٹنا ، تنازعات کا سامنا کرنا، غلط فیصلے کرنا ، اچھے دوست بنانا، رول ماڈل کے ساتھ کام کرنا اور وہ سب کرنا جو مجھے پسند ہے شامل ہے۔
پاکستان کے مشہور گلوکار عبداللہ قریشی نے اسلام کی خاطر انڈسٹری کو خیرباد کہہ دیا ہے۔ عبداللہ قریشی نے اپنے انسٹاگرام پر ایک پوسٹ شیئر کی ہے جس میں لکھا ہے کہ کافی عرصے سے بہت سارے لوگ مجھے پیغامات بھیج رہےتھے یہ جاننے کے لئے کہ میں کیا کررہا ہوں۔ ان کا کہنا تھا کہ میں نے میوزک انڈسٹری سے بریک لیا تھا، میں نے خود کو تلاش کرنے اور یہ سوچنے کیلئے وقفہ لیا کہ میں کون تھا؟ کہاں سے آیا تھا اور کیا بننا چاہتا تھا؟