واضح رہے کہ گذشتہ روز قومی سلامتی کمیٹی کے اجلاس میں ڈی جی آئی ایس آئی لیفٹیننٹ جنرل ندیم انجم کو دہشتگرد گلزارامام عرف شمبے کی گرفتاری پر شاندار خراج تحسین پیش کیا گیا ہے ۔ ذرائع کا کہنا ہے کہ شرکا نے کہا دہشتگردگلزارامام عرف شمبے کی گرفتاری بڑا کارنامہ،پروفیشنل ازم ہے،وزیراعظم اور شرکاء نےآئی ایس آئی،اس کے سربراہ کو شاندارکارنامے پر ڈیسک بجاکر شاباش دی ۔ شرکا نے مزید کہا کہ یہ اس نوعیت کا آپریشن پاکستانی تاریخ کا پہلا آپریشن ہے ، یہ آپریشن انٹیلی جنس شعبے میں نمایاں کارنامے کے طور پر یاد بھی رکھاجائے گا ۔Heartfelt felicitations to ISI for carrying out a brilliant operation that resulted in the arrest of BNA's founder. This operation speaks of outstanding professionalism of our institutions. The arrest will help suppress militancy in Balochistan & usher in a new era of peace.
— Shehbaz Sharif (@CMShehbaz) April 8, 2023
وزیر اعظم شہباز شریف کی جانب سے بی این اے کے بانی کی گرفتاری کے شاندار آپریشن پر آئی ایس آئی کو مبارکباد دی گئی ہے ۔ تفصیلات کے مطابق سماجی رابطے کی ویب سایئٹ ٹویٹر پر اپنے ٹویٹ میں وزیر اعظم نے لکھا کہ یہ آپریشن ہمارے اداروں کی اعلی پیشہ وارانہ صلاحیتوں کا منہ بولتا ثبوت ہے ۔ ان کا کہنا تھا کہ اس گرفتاری سے بلوچستان میں عسکریت پسندی کو کچلنے میں مدد ملے گی اور امن کے نئے دور کی آئینہ دار ہوگی ۔