مشہور اداکارہ مریم انصاری رشتہ ازدواج میں بندھ گئیں

مشہور اداکارہ مریم انصاری رشتہ ازدواج میں بندھ گئیں

کراچی (پبلک نیوز) رومیو ویڈز ہیر کی اداکارہ مریم انصاری سابق کرکٹر معین خان کے بیٹے اویس خان سے رشتہ ازدواج میں بندھ گئیں ہیں۔

سوشل میڈیا پر مریم انصاری کی شادی کی تصاویر وائرل ہورہی ہیں جن میں انہیں ٹی پنک رنگ کے خوبصورت عروسی لباس میں دیکھا جاسکتا ہے جبکہ اویس خان نے کریم رنگ کا کرتا پاجامہ اور اسی رنگ کا ویسٹ کوٹ پہنا ہوا ہے۔

سابق کوچ معین خان کے بیٹے اویس خان نے اپنے نکاح کی تقریب کو اپنے دوستوں اور رشتے داروں کے ساتھ انسٹا گرام پر لائیو شیئر بھی کیا جبکہ مریم انصاری نے نکاح کے بعد ڈانس کی ایک مختصر ویڈیو بھی شئیر کی۔

مریم انصاری کی شادی اگرچہ کورونا وائرس کے باعث سادگی سے کی گئی لیکن متعدد شوبز شخصیات نے شادی میں شرکت بھی کی ہے۔ دیگر شخصیات اور مداح سوشل میڈیا پر مریم انصاری کو شادی کی مبارک باد دے رہے ہیں ۔

شیئر کریں:

ارسلان شیخ

مزید خبریں

انٹرٹینمنٹ