ویب ڈیسک:پاکستان شوبز کی اداکارہ مہر بانو نے ایک اور بولڈ ڈانس کی ویڈیو سوشل میڈیا پر اپ لوڈ کردی جس کے بعد انہیں شدید تنقید کا سامنا کرناپڑرہا ہے۔
تفصیلات کے مطابق فلم ’ٹیکسالی گیٹ‘ کی اسٹار مہر بانو اگرچہ بیرون ملک مقیم ہیں اور اداکاری کی دنیا سے دور ہیں تاہم سوشل میڈیا کا سہارا لیتے ہوئے وہ ہر لمحہ اپنے مداحوں سے جڑی نظر آتی ہیں۔اس بار بھی کچھ ایسا ہی دیکھنے کو ملا جب مہر بانو نے سوشل میڈیا پر اپنا بولڈ ڈانس شیئر کردیا۔انہیں نامناسب لباس پہن کر ڈانس کرنے پر تنقید کا نشانہ بنایا جارہا ہے۔
یہ بھی پڑھیں: پاکستانی اداکارہ مہربانو کی نازیباتصاویرسوشل میڈیا پروائرل
مہر بانو ڈانس کی شوقین ہیں جس کے لئے انہوں نے باقاعدہ کلاسز بھی لی ہیں اور وہ اپنے آفیشل انسٹاگرام اکاؤنٹ پر اکثر ڈانس ویڈیوز شیئر کرتی ہیں۔ حال ہی میں انہوں نے ایک اور ڈانس ویڈیو اپلوڈ کی جس میں انہوں نے آف وائٹ شارٹس کے ساتھ گرین ٹینک ٹاپ پہنا ہوا ہے۔
تاہم ان کی حالیہ ویڈیو کو مداحوں کی جانب سے پسند نہیں کیا گیا۔ سوشل میڈیا صارفین کا کہنا ہے کہ مہر بانو ہمیشہ ایک ہی طرح کے ڈانس مووز پیش کرتی ہیں اور ان کا لباس بہت بولڈ ہوتا ہے جو نا مناسب ہے۔
کئی صارفین نے کہا کہ ان کے ڈانس میں کوئی خاص کشش نہیں اور ان کا انداز توجہ حاصل کرنے میں ناکام رہتا ہے۔ بعض افراد نے مشورہ دیا کہ انہیں نئے ڈانس اسٹیپس سیکھنے کی ضرورت ہے۔
مزید یہ کہ کئی لوگوں نے ان کے لباس کو شرمناک قرار دیا اور تنقید کی کہ ایسی ویڈیوز ان کے والدین بھی دیکھتے ہوں گے۔
یاد رہے کہ ان دنوں مہر بانو کی ویڈیو پر یہ متنازع تبصرے سوشل میڈیا پر زیر بحث ہیں۔