دہی کا استعمال ہائی بلڈ پریشر کو کنٹرول کرنے میں کارگر

لاہور: (ویب ڈیسک) ایک تحقیق کے مطابق روزانہ دہی کا استعمال بلڈ پریشر کو کنٹرول میں رکھتا ہے اور آپ کو دل کی بیماریوں سے بھی بچاتا ہے۔ یونیورسٹی آف ساؤتھ آسٹریلیا اور یونیورسٹی آف مین نے مل کر یہ تحقیق کی ہے۔ سائنسدانوں نے یہ مطالعہ دہی، بلڈ پریشر اور ہارٹ اٹیک کے عوامل کے درمیان تعلق کے حوالے سے کیا۔ اس تحقیق میں سائنسدانوں نے پایا کہ ہائی بلڈ پریشر کے مریضوں کے لیے دہی کا استعمال فائدہ مند ثابت ہو سکتا ہے۔ اس سے بلڈ پریشر کو کم کرنے میں مدد ملتی ہے۔ سائنسدانوں کا ماننا ہے کہ اگر ہائی بلڈ پریشر کے مریض روزانہ دہی کا استعمال کریں تو یہ بلڈ پریشر کی سطح کو کم کرنے میں مددگار ثابت ہوگا۔ ہائی بلڈ پریشر سے امراض قلب کا خطرہ بڑھ جاتا ہے لیکن سائنسدانوں کا کہنا ہے کہ اگر آپ روزانہ دہی کا استعمال کریں تو اس سے آپ کو فائدہ ہوگا اور بلڈ پریشر کو کنٹرول کرکے دل کی بیماریوں کا خطرہ کم کیا جاسکتا ہے۔ مطالعہ میں ہائی بلڈ پریشر کے مریضوں میں اس کے مثبت نتائج دیکھے گئے۔ محقق ڈاکٹر الیگزینڈرا ویڈ نے کہا کہ ہائی بلڈ پریشر قلبی امراض کا خطرہ سب سے زیادہ بڑھاتا ہے، اس لیے ضروری ہے کہ آپ اسے کم کرنے کے طریقے تلاش کریں اور اسے کنٹرول کریں۔ ڈیری فوڈ خصوصاً دہی بلڈ پریشر کی سطح کو کم کرنے میں مددگار ثابت ہو سکتا ہے۔ سائنسدانوں کے مطابق ڈیری فوڈز میں کیلشیم، میگنیشیم اور پوٹاشیم جیسے بہت سے مائیکرو نیوٹرینٹس ہوتے ہیں۔ یہ تمام چیزیں بلڈ پریشر کو کم کرنے اور اسے کنٹرول کرنے میں مدد کرتی ہیں۔ دہی میں ایک خاص قسم کے بیکٹیریا ہوتے ہیں جو کہ پروٹین کے اخراج کو فروغ دیتے ہیں اور اس طرح بلڈ پریشر کو کم کرتے ہیں۔ تحقیق میں یہ بات سامنے آئی کہ جن لوگوں کا بلڈ پریشر بڑھ گیا تھا۔ جب اس نے تھوڑی مقدار میں بھی دہی کھایا تو اس سے بلڈ پریشر کم ہوگیا۔ دوسری جانب جو لوگ باقاعدگی سے دہی کھاتے تھے، سائنسدانوں نے پایا کہ اس سے بلڈ پریشر کی ریڈنگ میں 7 پوائنٹس تک کمی آئی، یہ ان لوگوں کے مقابلے میں بہت کم تھی جو دہی نہیں کھاتے تھے۔ سائنسدانوں نے اس تحقیق میں 915 کو شامل کیا۔