ٹی 20 ورلڈکپ سکواڈ پر تحفظات، افغان کرکٹ ٹیم کپتان مستعفی

ویب ڈیسک: افغان کرکٹ ٹیم کے کپتان راشد خان نے ٹیم کی قیادت کرنے سے معذرت کرتے ہوئے اپنا استعفی دے دیا ہے۔ یہ استعفیٰ انھوں نے ٹی20 ورلڈکپ سے قبل دیا۔ افغان میڈیا کے مطابق سابق کپتان نے ٹی20 ورلڈکپ کے لیے اعلان کردہ اسکواڈ پر تحفظات کو بنیاد بنا کر استعفیٰ دیا۔ ورلڈ کپ اسکواڈ پر ان کو نہ صرف تحفظات تھے بلکہ ٹیم سلیکشن پر اپنی ناراضی سے انھوں نے بورڈ کو بھی آگاہ کیا تھا۔

???????????? pic.twitter.com/zd9qz8Jiu0

— Rashid Khan (@rashidkhan_19) September 9, 2021

اپنے مستعفی ہونے کی تصدیق انھوں نے خود کی۔ ان کا کہنا ہے کہ کپتان ہونے کے ناطے ٹیم سلیکشن کے لیے مجھ سے رائے لی جانی چاہیے تھی جو نہیں لی گئی۔ موجود اعلان کردہ ٹی20 ورلڈ کپ اسکواڈ کے انتخاب سے میں مطمئن نہیں۔

Afghanistan National Cricket Team Squad for the World T20 Cup 2021. pic.twitter.com/exlMQ10EQx

— Afghanistan Cricket Board (@ACBofficials) September 9, 2021

انھوں نے مزید کہا کہ میں افغانستان کے لیے کھیلتا رہا ہوں اور آگے بھی کھیلتا رہوں گا، اپنے ملک کے لیے کھیلنا میرے لیے اعزاز کی بات ہے۔ تاہم ٹی 20 ورلڈ کپ میں سکواڈ کی قیادت نہیں کروں گا۔