وزیر اعظم نے کہا کہ یہ پاکستان برطانیہ اسٹریٹجک شراکت داری اور دہشت گردی کے خلاف جنگ میں ہماری مسلح افواج کی کامیابیوں کا اعتراف ہے۔ خیال رہے کہ برطانیہ کی رائل ملٹری اکیڈمی سینڈ ہرسٹ میں 213 ویں کمشننگ کورس کی پاسنگ آؤٹ پریڈ ہوئی۔جس میں آرمی چیف جنرل قمر جاوید باجوہ نے بطور مہمان خصوصی شرکت کی۔ رائل ملٹری کی جانب سے آرمی چیف کو سلامی دی گئی۔ آرمی چیف نے پاسنگ آؤٹ پریڈ کا معائنہ کیا۔چیف آف آرمی اسٹاف جنرل قمر جاوید باجوہ وہ پہلے پاکستانی آرمی چیف ہیں جنہیں یہ اعزاز حاصل ہوا ہے۔ اس موقع پر آرمی چیف نے کہا رائل ملٹری اکیڈمی سینڈ ہرسٹ میں پاسنگ آوٹ کی تقریب میں بطور مہمان خصوصی شرکت باعث فخر ہے۔ امید ہے پاس آوٹ ہونے والے کیڈٹس دفاعی صلاحیتوں کا لوہا منوائیں گے۔COAS Gen Qamar Javed Bajwa's address at Royal Military Academy Sandhurst UK as chief guest is not just a matter of honour for the armed forces but also for Pakistan. This is a recognition of the Pakistan-UK strategic partnership & the success of our armed forces in war on terror.
— Shehbaz Sharif (@CMShehbaz) August 12, 2022
اسلام آباد: وزیر اعظم شہباز شریف نے کہا ہے کہ آرمی چیف جنرل قمر جاوید باجوہ کا رائل ملٹری اکیڈمی میں خطاب پاکستان کیلئے اعزاز ہے. سماجی رابطے کی ویب سائٹ ٹوئٹر پر جاری کردہ بیان میں وزیر اعظم شہباز شریف نے کہا ہے کہ آرمی چیف جنرل قمر جاوید باجوہ کا رائل ملٹری اکیڈمی سینڈہرسٹ یو کے میں بطور مہمان خصوصی خطاب نہ صرف مسلح افواج بلکہ پاکستان کے لیے بھی اعزاز کی بات ہے۔