اسلام آباد (پبلک نیوز) کورونا وائرس کے بڑھتے ہوئے کیسز کے باعث این سی او سی کی ہدایات پر ضلعی انتظامیہ کے فیصلے، وفاقی دارالحکومت میں دفعہ 144 نافذ کر دی گئی۔ڈپٹی کمشنر اسلام آباد حمزہ شفقات نے نوٹیفکیشن جاری کیا۔ وفاقی ضلعی انتظامیہ کی جانب سے جاری کردہ نوٹیفکیشن میں کہا گیا ہے کہ دو ماہ کے لیے دفعہ 144 نافذ کر دی گئی ہے۔ عوامی و دیگر مقامات پر ماسک کا استعمال لازمی قرار دے دیا گیا۔ عوامی مقامات پر ماسک نہ پہننے والے شہری کے خلاف قانونی کاروائی ہو گی۔نوٹیفکیشن کے مطابق تمام متعلقہ اداروں کو دفعہ 144 کے حوالے سے آگاہ کر دیا گیا۔ دفعہ 144 فوری طور پر دو ماہ کے لئے نافذ العمل ہو گی۔