کراچی: ایم کیو ایم نے بلدیاتی انتخابات کے معاملے پر رابطہ کمیٹی کا ہنگامی اجلاس طلب کرلیا ہے ۔ تفصیلات کے مطابق رابطہ کمیٹی کا ہنگامی اجلاس 3 بجے طلب کر لیا گیا ہے ، جس میں سیاسی صورتحال اور سندھ کابینہ کے حلقہ بندی سے متعلق فیصلوں پر گفتگو کی جائے گئی جبکہ گذشتہ رات وزیراعلیٰ سندھ سے ہونے والی ملاقات پر بھی بات چیت کی جائے گی۔ ذرائع کا کہنا ہے کہ اجلاس میں مستقبل کےلائن آف ایکشن اور تنظیمی معاملات سمیت دیگر امور پر بھی تبادلہ خیال کیا جائے گا ۔ ذرائع نے بتایا کہ اجلاس میں مصطفیٰ کمال ، ڈاکٹر فاروق ستار، اور انیس قائم خانی بھی شریک ہوں گے ۔