ممبئی(ویب ڈیسک) بالی ووڈ اداکار اکشے کمار کی مشہور زمانہ فلم ' کھلاڑیوں کا کھلاڑی' کی ریلیز کو 25 سال ہو چکے ہیں، اس فلم میں اکشے کمار نے انڈرٹیکر کو شکست دی تھی۔ امیش مہرہ کی ہدایت کاری میں 1996 میں ریلیز ہونے والی فلم میں اکشے کمار نے ریکھا اور روینہ ٹنڈن کے ساتھ مشترکہ طور پر کام کیا تھا
اکشے کمار نے گزشتہ روز اس فلم کے حولے سے اپنی یادیں تازہ کیں جب انہوں نے بھارتی فلم کے ایک سین کے دوران 'دی انڈرٹیکر' کو شکست دی تھی۔اکشے نے 1996 کی ہٹ فلم میں انڈرٹیکر کے نام سے مشہور ، مشہور تجربہ کار امریکی پہلوان مارک ولیم کالوے کے ہم شکل کا مقابلہ کیا تھا۔ بہت سے لوگوں نے یہ سمجھا کہ اصلی انڈرٹیکر نے اکشے کے برخلاف بالی ووڈ میں قدم رکھا تھا لیکن یہ بریسٹر برائن لی تھے جنہوں نے انڈرٹیکر کا کردار نبھایا تھا۔
لڑائی کے خاص منظر کو یاد کرتے ہوئے ، اکشے نے اپنے سوشل میڈیا پیجز پر ایک مزاحیہ میم شیئر کیا۔ میم میں انہوں نے لکھا "اگر آپ نے انڈرٹیکر کو شکست دی ہے تو اپنا ہاتھ اٹھائیں۔"
میم میں مشہور پہلوانوں کے ساتھ اکشے کی تصاویر ہیں، جن میں ٹرپل ایچ اور بروک لیسنر، رومن رینج شامل ہیں۔
View this post on Instagram
اکشے نے کہا ، " فلم کی ریلیز کے 25 سال مکمل؛ ایک دلچسپ بات یہ ہے کہ یہ پہلوان برائن لی تھے جس نے فلم میں انڈرٹیکر کا کردار ادا کیا تھا۔ "