گرمی کی شدت میں کمی کے باوجود پورے ملک میں بجلی کی لوڈشیڈنگ کا سلسلہ جاری ہے، ملک کے مختلف شہروں میں بجلی کی بندش کا دورانیہ 12 گھنٹوں تک جا پہنچا۔ ذرائع پاور ڈویژن کا کہنا ہے کہ ملک میں بجلی کی کل طلب 26 ہزار میگاواٹ ہے، پانی سے چھ ہزار پانچ سو میگاواٹ بجلی پیدا کی جارہی ہے ۔ سرکاری تھرمل پلانٹس ایک ہزار میگا واٹ بجلی پیدا کر رہے ہیں۔ نجی شعبے کے بجلی گھروں کی مجموعی پیداوار 8 ہزار 5 سو میگا واٹ ہے اور ونڈ پاور پلانٹس 5 سو 40 میگاواٹ اور سولر پلانٹس سے پیداوار 147 میگاواٹ ہے۔ بگاس پاور پلانٹس سے 32 میگا واٹ بجلی پیدا کی جارہی ہے ۔ جوہری ایندھن دو ہزار چار سو 78 میگا واٹ بجلی پیدا کر رہا ہے دوسری طرف ملک کے مختلف علاقوں میں ہر 1 گھنٹے کے بعد بجلی کی لوڈشیڈنگ کی جا رہی ہے۔