ویب ڈیسک: ٹی 20 ورلڈ کپ سیمی فائنلز اور فائنل کے حوالے سے آئی سی سی نے اہم فیصلہ کرلیا ہے۔
تفصیلات کے مطابق آئی سی سی نے ٹی ٹوئنٹی ورلڈکپ 2024 کے سیمی فائنلز اور فائنل کے لئے ریزرو ڈے کی منظوری دیدی ہے۔ ایک بیان میں بتایا گیا ہے کہ مقررہ دن پر میچ نہ ہونے کی صورت میں میچ کے لیے ریزرو دن ہو گا۔ گروپ اسٹیج میں میچ مکمل ہونے کے لئے دوسری اننگز میں کم از کم 5 اوورز کا کھیل ہونا لازمی ہوگا۔
بیان میں کہا گیا ہے کہ ناک آؤٹ مرحلے میں میچ مکمل ہونے کے لئے دوسری اننگز میں کم از کم 10 اوورز کے کھیل کا ہونا لازمی ہوگا۔ آئی سی سی میٹنگ میں ٹی ٹوئنٹی ورلڈکپ2026 کے کوالیفکیشن مرحلے کی بھی منظوری دیدی گئی ہے۔
بتایا گیا ہے کہ ٹی ٹوئنٹی ورلڈکپ 2026 میں 20 ٹیمیں شرکت کریں گی۔ ٹی ٹوئنٹی ورلڈکپ 2026 کی میزبانی سری لنکا اور بھارت مشترکہ طور پر کریں گے۔ ورلڈکپ 2026 کے لئے 12 ٹیمیں ڈائریکٹ کوالیفائی کریں گی۔