شہر قائد میں خاتون کے ہاں چھ بچوں کی پیدائش ہوئی لیکن بدقسمتی سے کوئی بچہ بھی زندہ نہیں بچ سکا۔ تفصیلات کے مطابق کراچی میں خاتون کے ہاں چھ بچوں کی پیدائش ہوئی لیکن خاتون کے ہاں جو بچے پیدا ہوئے ان میں سے 5 بچے انتقال کرگئے البتہ ان میں سے ایک بچہ مردہ پیدا ہوا تھا، پانچ بچے پیدائش کے ایک روز بعد ہی انتقال کر گئے۔ اسپتال انتطامیہ کا کہنا ہے کہ بچوں کا وزن کم ہونے کی وجہ سے سانس میں تکلیف ہورہی تھی۔ان بچوں کو قومی ادارہ صحت برائے اطفال کے انکیوبیٹرز میں رکھا گیا تھا لیکن کوشش کے باوجود بچے جانبر نہیں ہو سکے۔ خیال رہے کہ پیدا ہونے والے بچوں میں چار بیٹے اور دو بیٹیاں شامل تھیں۔ بچوں کو جنم دینے والی خاتون کی پہلے بھی ایک اولاد ہے۔