کراچی (پبلک نیوز) ڈائریکٹر جنرل (ڈی جی) ہیلتھ سندھ کی جانب سے ملازمین کی عید الضحیٰ پر ہونے والی چھٹیاں منسوخ کر دی گئیں۔ منسوخی سے متعلق نوٹیفکیشن بھی جاری کر دیا گیا۔ نوٹیفکیشن کے مطابق سندھ میں کورونا کیسز میں تیزی سے اضافی جاری ہے۔ مون سون کے سبب صوبہ میں ملیریا، ٹائیفائیڈ، ڈینگی اور ڈائریا پھیلنے کے امکانات ہیں۔ عید الضحیٰ کے سبب کونگو بھی پھیل سکتا ہے۔ محکمہ صحت سندھ کی جانب سے کہا گیا ہے کہ ضلعی ہیلتھ افسران سمیت دیگر تمام ڈیوٹی پر موجود ہوں گے۔ تمام ہسپتالوں میں بھی ہائی الرٹ جاری کر دیا گیا۔