’عمران خان قانون توڑے تو اس کیخلاف بھی کارروائی ہو‘

اسلام آباد (پبلک نیوز) وزیراعظم عمران خان نے کہا ہے کہ قانون کی عملداری طاقتور لوگوں کو انصاف کے کٹہرے میں لانے کا نام ہے۔ قانون کی عملداری میں جدید ٹیکنالوجی کا استعمال بڑھایا جائے، ہر ممکن تعاون کریں گے۔ وزیراعظم عمران خان نے آج سیف سٹی ہیڈ کوارٹرز اسلام آباد کا دورہ کیا اور اس دوران ایگل اسکواڈ کا افتتاح کیا۔ وزیراعظم نے شہر کے تحفظ کے حوالے سے سیف سٹی کے انتظامات کا جائزہ لیا۔ اس موقع پر وزیراعظم کو تفصیلی بریفنگ بھی دی گئی۔

وزیراعظم عمران خان نے آج سیف سٹی ہیڈ کوارٹرز اسلام آباد کیا اور اس دوران ایگل اسکواڈ کا افتتاح کیا۔

وزیراعظم نے شہر کے تحفظ کے حوالے سے سیف سٹی کے انتظامات کا جائزہ لیا۔ اس موقع پر وزیراعظم کو تفصیلی بریفنگ بھی دی گئی۔ pic.twitter.com/ZslyKeFrFW

— Prime Minister's Office, Pakistan (@PakPMO) June 16, 2021

سیف سٹی پراجیکٹ کے تحت 100 موٹرسائیکلوں پر مشتمل نئے ایگل اسکواڈ کی افتتاحی تقریب سے خطاب کرتے ہوئے ان کا کہنا تھا کہ جب پولیس اپنا کام کرتی ہے تو ملک میں خوشحالی آتی ہے۔ جس معاشرے میں امن ہوتا ہے وہاں خوشخالی آتی ہے۔انھوں نے کہا کہ امن تب آتا ہے جب طاقت ور کو قانون کے نیچے لایا جائے۔ اگر عمران خان قانون توڑے تو اس کے خلاف بھی کارروائی ہونی چاہیے۔ جنگل کے اندر طاقت کی حکمرانی ہوتی ہے۔ انسانی معاشرے میں قانون کی حکمرانی ہوتی ہے۔ان کا کہنا تھا کہ آج سے 50سال پہلے پاکستان تیزی سے آگے جارہا تھا۔ پولیس کو کسی کی فکر نہیں کرنی چاہیے۔ قانون سب کے لیے برابر ہونا چاہیے۔