کراچی : پی آئی اے نے اسلام آباد سے کاشغر کے لئے خصوصی کارگو چارٹر پروازوں کا آغاز کر دیا۔ تفصیلات کے مطابق پاکستان انٹرنیشنل ائیرلائنز( پی آئی اے) نے اسلام آباد سے کاشغر کے لئے خصوصی کارگو چارٹر پروازوں کا آغاز کر دیا ہے، پی آئی اے پاکستان کی پہلی ائر لائن ہے جو کاشغر کے لئے پروازیں چلا رہی ہے۔ ترجمان کا کہنا ہے کہ کاشغر کے لئے دس خصوصی چارٹر پروازیں آپریٹ کی جائیں گی۔ اکتیس مارچ تک جاری رہنے والی ان پروازوں کے لئے ائیر بس طیارے استعمال کئے جارہے ہیں، ان چارٹر پروازوں سے برآمد کنندگان کو اپنی مصنوعات کی ترسیل میں آسانی ہو گی۔ ترجمان پی آئی اے نے کہا ہے کہ ان چارٹر پروازوں سے پی آئی اے کو اضافی ریونیو حاصل ہو گا۔