سابق فاسٹ بولر شعیب اختر محمد حسنین کے دفاع میں بول پڑے

آسٹریلیا کے آل راؤنڈر مارکس اسٹوئنس نے قومی ٹیم کے فاسٹ بولر محمد حسنین کے بولنگ ایکشن پر تنقید کی ، جس پر سابق کھلاڑی شعیب اختر محمد حسنین کے دفاع میں بول پڑے۔ تفصیلات کے مطابق آسٹریلیا میں جاری ’دی ہنڈریڈ‘ لیگ کے دوران 3 روز قبل ہونے والے میچ میں محمد حسنین نے ٹیم ’ساؤدرن بریوو‘ کی طرف سے کھیلنے والے آسٹریلوی بیٹر مارکس اسٹوئنس کو جیکب کے ہاتھوں کیچ آؤٹ کرایا تھا۔ اس پر آسٹریلوی بیٹر نے آؤٹ ہونے پر بے حد ناگواری کا اظہار کر تے ہوئے آؤٹ ہو کر پویلین جاتے وقت ایسا اشارہ کیا کہ جیسے وہ یہ کہہ رہے ہوں کہ حسنین کا ایکشن ٹھیک نہیں ہے۔ واضح رہے کہ محمد حسنین کا بولنگ ایکشن اس سال کے آغاز میں بگ بیش لیگ کے دوران غیر قانونی قرار دے دیا گیا تھا تاہم انہوں نے اپنا ایکشن درست کیا اور اس کے بعد انہیں حال ہی میں دوبارہ کرکٹ کھیلنے کی اجازت ملی تھی۔ آسٹریلوی بیٹر کی اس حرکت پر انہیں کڑی تنقید کا سامنا ہے اور قومی ٹیم کے سابق اسپیڈ اسٹار شعیب اختر نے بھی مارکس اسٹوئنس کو آڑے ہاتھوں لیا ہے۔

Shameful gesture by @MStoinis regarding bowling action of @MHasnainPak during #TheHundred2022 . How dare you do such things?? Ofcourse @ICC stays quiet about them.
No player should be allowed to do such things if someone's been cleared already. pic.twitter.com/5idGdBqcUf

— Shoaib Akhtar (@shoaib100mph) August 16, 2022

قومی ٹیم کے سابق فاسٹ بولر شعیب اختر نے ٹوئٹر پر کہا کہ مارکس اسٹوئنس نے دی ہنڈریڈ کے دوران محمد حسنین کے بولنگ ایکشن کے حوالے سے انتہائی شرمناک حرکت کی، آپ ہوتے کون ہو ایسی حرکت کرنے والے؟ آئی سی سی ان کے حوالے سے بالکل خاموش رہتا ہے۔

This is the video of Mohammmad Husnain bowling to Marcus Stoinis and Stoinis signalling that Husnain is chucking.
This is disrespectful from him#Stoinis#Husnain#hundred pic.twitter.com/YXmxzF9tj8

— Homunculus (@MrStrangedoc) August 15, 2022

انہوں نے مزید لکھا کہ اگر ایک بولر کلیئر ہو چکا ہے تو کسی بھی کھلاڑی کو ایسی حرکت کرنے کی اجازت نہیں ہونی چاہیے۔ دوسری جانب محمد حسنین نے شعیب اختر کی جانب سے حمایت کرنے پر ان کا شکریہ ادا کیا۔