Get Alerts

قوم کی یہ بیٹی ہمیشہ اسی اینکر کے ساتھ کیوں ہوتی ہے؟

قوم کی یہ بیٹی ہمیشہ اسی اینکر کے ساتھ کیوں ہوتی ہے؟
وزیراعظم عمران خان کے معاونِ خصوصی برائے سیاسی روابط شہباز گِل نے وزیراعظم کی مداح خاتون کی ویڈیو جاری کردی تاہم سوشل میڈیا صارفین کا کہنا تھا کہ یہ اس خاتون کی ویڈیوز اس سے قبل بھی وائرل ہو چکی ہیں . شہباز گل نے اپنے ٹوئٹ میں کہا یہ ہے اس قوم کی بیٹی۔ یہ ہے فکری آزادی۔ کاش ہماری بڑے بڑے دانشور اپنی بغض سے نکل کر یہ دیکھ سکیں۔ سوچ سکیں۔ شہباز گل کی ٹوئٹ پر ردعمل دیتے ہوئے صحافی فرخ شہباز وڑائچ کا کہنا تھا کہ شہباز گل صاحب یہ قوم کی بیٹی ہمیشہ اسی اینکر کے ساتھ ہمیشہ سڑک پر کیوں ہوتی ہے کم و بیش تیسری مرتبہ قوم کی اس بیٹی کو اسی بندے کے ساتھ گفتگو کرتے دیکھ رہا جگہ مختلف ہے مگر قوم کی بیٹی اور اینکر وہی ہیں. مذکورہ ویڈیو پر علی گل پیر نے پیروڈی ویڈیو بھی بنا رکھی ہے. صارفین کا کہنا ہے کہ ایک ہی خاتون، ایک ہی اینکر کے ساتھ کبھی مقامی شہری بن کر بات کرتی ہے تو کبھی سمندر پار پاکستانی بن جاتی ہے۔ انسانی حقوق کے کارکن جبران ناصر نے بھی اپنے شک کا اظہار کیا اور کہاکہ یہ پلانٹڈ ویڈیوز ہیں۔ اس کے علاوہ سوشل میڈیا صارفین کی جانب سے طرح طرح کے تبصرے کیے جار ہے ہیں۔

Watch Live Public News

شیئر کریں:

احمد علی

ایڈیٹر

احمد علی کیف نے یونیورسٹی آف لاہور سے ایم فل کی ڈگری حاصل کر رکھی ہے۔ پبلک نیوز کا حصہ بننے سے قبل 24 نیوز اور سٹی 42 کا بطور ویب کانٹینٹ ٹیم لیڈ حصہ رہ چکے ہیں۔

مزید خبریں

متعلقہ خبریں